"Ада-чурт камгалакчылары" фондунуң төлээлери Тожуда

Тывада "Ада-чурт камгалакчылары" фондунуң төлээлери Тожу кожуунче ажылчын үнүүшкүннү кылган. ТР-ниң кадык камгалал яамызының, "Добро" төптүңажылдакчылары база республиканың кеш аарыглары диспансериниң эмчилери ырак-узак кожуунга чедип, чурттакчы чонга ачы-дузаны чедирген. Тускай шериг операциязының киржикчилеринге психолог-терапевтиг дузаны көргүзүп, дайынчы хоочуннарның болгаш оларның өг-бүлелериниң кежигүннеринге диспансеризацияны чоруткан. Оон аңгыда фондунуң ажылдакчылары дайын хоочуннарының айтырыгларынга харыылап, билдириишкиннер-биле ажылдаан.