Материал 329
ТА
Улуг-Хем кожууннуң Арыскан сумузунда фельдшер-акушер пунктузунуң тудуун бо хүннерде эгелээн. «Кадык камгалалы» национал төлевилелдиң ачызында арысканчылар бо чылын-на эмчи дузазын чаа пунктуга ап эгелээр. Сентябрь айның эгезинде Атлант тудуг организациязы ук эмнелге пунктузунуң таваан салып, кудукту каскан. ФАП-ка суг хандырылгазы, канализация, септикти санитарлыг негелделерге дүүштүр кылыр. Бо неделяда эмнелге оран-савазының тудуу шалыпкын чоруп турар, соок дүшкүжеге, чылыдылга системазын кылыры планнаттынган. ФАП оран-савазын тудуп дооскан соонда, дүрген ажылдаар интернет харылзаазын кожар болгаш, ол чүүл, бир дугаарында, телемедицина технологияларын ажыглаар арганы тургузар дээрзин #Тыванын_аныяктары солуннуң редакциязынга дыңнаткан.
Алена НАН-ХОО
