Материал 288

Күрүне ачы-дузазы база «Россияда ажыл» порталдары таварыштыр билдириишкиннер киирип турар хамаатыларның кичээнгейинге Кызыл хоорайның чонну ажылга тургузар төвү дараазында медээни #Тыванын_аныяктары солун дамчыштыр дыңнадып турар. Дыка хөй ажыл чок хамаатылар (билдириишкиннерниң 10 хуузу) боттарының банк реквизиттерин шын эвес дужаап турар, чок-ла болза өске кижиниң адында карточканың агар санын айыткан болгулаар. Ынчангаш чонну ажылга хаара тудар төптүң бүрүткелинде турар хамаатылар банкының реквизиттерин киирерде, кичээнгейлиг болурун база өске кижилерниң адында банк реквизиттерин айытпазы чугула. Ооң чылдагааны-биле ажыл чок дээш пособие акшазының төлевири силерге четпейн, дедир төптүң агар санынче эглип болур. Оон аңгыда 2020 чылдың октябрь 1-ден эгелеп, ажыл чок дээш пособиени чүгле «МИР» банк картазынче шилчидер.