2856 өг-бүле “Социал хөмүр” губернатор төлевилелиниң күүселдези-биле дузаламчыны алыр
Тывада каш чыл уламчылап турар «Социал хөмүр» губернатор төлевилелиниң күүселдези-биле өг-бүлелер социал деткимче кылдыр одалга сезонунда 2145 кг хөмүр азы 4,8 куб одаар ыяшты алыр.
Беш болгаш оон хөй ажы-төлдүг, амыдырап-чурттаарының кудуку хемчээлинден эвээш орулгалыг өг-бүлелер төлевилелге киржир. Бо чылын хөмүр-дашты 2791 өг-бүле, а одаар ыяшты 65 өг-бүле алыр.
Амгы үеде хөмүр-даш база ыяш чедирилгезинге күрүне керээзин чарар техниктиг даалганы ажылдап кылып турар. Садыглажыышкын хемчеглери эрткен соонда, социал деткимче алыкчылары ону алыр.
Программага киржир билдириишкинни өг-бүлелерниң чурттап турар черинде кожуннуң өг-бүлеге болгаш ургларга социал дуза төптеринче азы Кызыл хоорай мэриязының социал политика департаментизинче киирер.
