Материал 285

Бо хүн Аңчының хүнүнге тураскааткан «Тыва Республиканың аңныыр трофейлери» деп делгелгени Алдын-Маадыр аттыг Национал музейге Тываның Бойдус курлавырлары болгаш экология яамызының ажылдакчылары организастаан. Аңаа аңныыр трофейлерин республиканың аңныыр ажыл-агыйының хоочуннары Алексей Чертов, Владимир Следзюк, Владимир Попов, Борис Медведев, Александр Маслов олар эккеп салган. Делгелгени чүгле аңныыр трофейлерин көргүзер дээш эвес, а тус черниң чурттакчыларының шаг-төөгүден бээр кылып келген ажыл-агыйынче кичээнгейни углаар сорулгалыг кылган. Мира КОНГУЛ-ООЛ. В. Шайфулинниң тырттырган чуруктары.