Бии-Хем кожууннуң Аржаан сумузунда сиген кезилдези кидин түлүк чоруп турар. Суурда мал-маганныг база арат ажыл-агыйлыг чурттакчыларынга малдың кышкы чемин кайы хире белеткеп алырындан чүгле кышты хүр ажары эвес, а мал-маганның бүдүн чыл дургузунда деңгели база хамааржыр.
Сиген кезилдезинде 84 кижи хаара туттунган, оларның аразында 26 ажыл чок кижилер, 14 студент, 14 эки турачылар база хол-биле сиген кезеринге 10 кижи бар. Оон аңгыда 24 трактор, 16 сенокосилка бар.
