Ынча чылдар эрте берген…
Хөй-ле чүүлдер,
Эргижирээн чурук ышкаш,
куурарып, балалгылап,
уттундуруп эгелээнде, авай,
ынчан сээң ол
шаажаң аяаң бузупкаштың,
билбээниңде шыгжапканым
сагыжымда ам-даа хевээр.
Бодаарга-ла,
уттундурбас бузундулар
сактыышкыным эът-кежин
ханын үндүр кескен-даа дег…
Өйү кээрге,
оон-даа улуг бустуушкуннар
оруум дозуп, чедип кээр деп,
ынчан кайын билир ийик мен.
Эдуард Мижит
«Шедеврум» кылымал угаанның чуруу
