Тываның Баштыңының хүлээлгезин түр күүседип турар Владислав Ховалыгның даалгазы-биле «Байлак» лагеринге ковидтен аарааннарның чанынга дорт харылзаалыг турган уругларны «Буян-Бадыргы» аалчылар бажыңынче көжүрген. Бо талазы-биле даалганы ол республиканың Күш-ажыл болгаш социал политика яамызынга берген. Ооң мурнунда уруглар Тываның тудуг техникумунуң хөй-ниити чуртталга бажыңынга чытканын сагындыраал. Аңаа чурттаарынга болгаш эмнээшкин алырынга кандыг-даа таарымчалыг байдалдар тургустунмаан турган.

«Ада-ие бүрүзүнүң муңгаралын болгаш дүвүрелин билип тур мен. Уруглар дыштанылга болгаш кадыкшылга алырының орнунга халдавырлыг аарыг чыпшырган. Мында харыысалга чок улуг кижилер буруулуг. Шыны-биле чугаалаарга, нарын байдал тургустунган. Аңаа белеткелдиг турган кижи ховар боор. Дүүн оперативтиг хуралга чазак кежигүннерин чүнү-даа чажырбайн, чүгле шынын чугаалап дамчыдарын диледим. Байдал нарын, проблемалар бар – ооң дугайында шыны-биле ажык-чарлыг, өй-шаанда дыңнадыры чугула. Күш-ажыл болгаш социал политика сайыдының хүлээлгезин күүседип турар Эдуард Санданга четтиргеним илереттим, ол тудуг техникумунуң хөй-ниити чуртталга бажыңында уругларга таарымчалыг байдалдар чок дугайында медээни өй-шаанда тодаргайы-биле чугаалаан. Ынчангаш ол-ла дораан аарыг улус-биле харылзаалыг турган уругларны «Буян-Бадыргы» аалчылар бажыңынче чыттырар дугайында даалганы бердим. Ам оларның өрээл бүрүзүнде аңгы санузел, электирилиг доңгуулар, айыыл чок розеткалар база эптиг орун-дөжек бар. Ындыг байдалга уругларның кадыкшылы эки болуру чугаажок. Бо айтырыгны бодум хууда хыналдага алыр мен» — деп, Ховалыг дыңнаткан.

#врио #ховалыг #байлак #дети #стопкоронавирус #отдыхдетей #тыва #тыванын_аныяктары