«Эмчилерге четтирдивис17»/«Спасибоврачам17» акцияны чарлаан соонда, халдавырлыг аарыглар госпиталынга коронавирус аарыының чаа хевиринге удур ажылдап турар эмчилерге деткимче кылыр күзелдиг чон дораан кээп эгелээн.  ТР-ниң Чазааның айтыышкыны езугаар «кызыл зонада» чаңгыс чер-чурттугларының кадыкшылы дээш демисежип турар эмчилерге деткимче көргүзери-биле ук акция чарлаттынганын сагындыраал. Ол ышкаш ооң база бир кол сорулгазы – ниитилелдиң санитар-эпидемиологтуг байдалын экижидери-биле хамаатыларның харыысалгазын күштелдирери болур. А эмчилер боттарының талазында «Деткимче дээш четтирдивис»/»Спасибо_за_поддержку!» деп акцияга харыыны чоруткан. Акцияга киржир күзелдиглер социал четкилерде боттарының арыннарынга эмчи ажылдакчыларынга четтиргенин илереткен чылыг-чымчак сөстерлиг чуруктарын, видео-материалдарын  #Спасибоврачам17 деп хештег-биле салып болур. Оон аңгыда күзелдиг кижилер эмчилерге изиг чемни, канцелярия херекселдерин, аъш-чем болгаш өске-даа барааннарны чедирип берип болур аргалыг.

#спасибоврачам17 #эмчилергечеттирдивис17 #акция #стопкоронавирус #тыванын_аныяктары