Өске хоорайлардан 259 студент чайгы дыштанылгазында ээп келген

Covid-19 хамчыындан аараан кижилерниң саны немежип турары-биле, Тываның Баштыңының хүлээлгезин түр күүседип турар *https://vk.com/vladislavkhovalyg (Владислав Ховалыг) чурттакчы чонну эпидемияга удур айыыл чок чоруктуң санитарлыг негелделерин сагыырынче кыйгырып турар. Хөй-ниити черлеринче кирерин шегледип, хууда камгалал херекселдерин ажыглаары чугула. Камгалал маскаларны ыяап кедер, социал дистанцияны сагыыр, үргүлчү холду саваңнап чуур, аарыгга удур тарылганы салдыртыр. Оон аңгыда өскээртен келген хамаатыларны таварыштыр аарыг таравазы-биле, соңгаар хоорайларда өөренип турар студентилерниң чайгы дыштанылгазының үезинде вакцинаны салдыртыры болгаш ПЦР-тестилерни эртери чугула.

Бо талазы-биле ТР-ниң Өөредилге болгаш эртем яамызының дыңнадып турары-биле алырга, республиканың девискээринче өске хоорайлардан 259 студент чайгы дыштанылгазында ээп келген. Оларның аразында 45 кижи ковидке удур тарылганы эрткен, 20 кижи назы четпээн, 1 кижиде антитела бар, 1 кижи чаш уруг эмзирип турары-биле ойталаан.

А Тываның иштинде ортумак өөредилге черлеринде өөренип турар сургуулдарны алыр болза, ниитизи-биле 2861 кижи бар. Оларның иштинде 124 студент ковидтен аарып каапкан (4,3 хуузу), ковидке удур тарылганың бирги кезээн 192 кижи (6,7 хуузу), ийиги кезээн 200 (7 хуузу) алган. Ам-даа аарыгга удур тарылганы алыр 2435 кижи бар.

 

Чурукту Интернеттен алган.

#стопкороанвирус #вакцинация #студенты #молодежь_здоровье #тыванын_аныяктары

Предыдущая запись
Вопрос по теме газификации
Следующая запись
Российжилерниң Президентиге салган айтырыглары Тывага база актуалдыг
Меню