Дүүн, июнь 1-де, чурттуң төвүнде Горький аттыг Паркка Большая перемена/Улуг чапсар школачылар фестивалы болуп эрткен. Аңаа Сергей Кириенко «Россия – хөй арга-шыдалдар чурту» шуулган июнь 26-27 хүннеринде болурун дыңнаткан.
«Россия – хөй арга-шыдалдар чурту» платформа чаштарга болгаш студентилерга төлевилелдерин боттандырар арганы берип турар, оон аңгыда эргелеп-башкарар органнарда аныяктарга «Россияның лидерлери» мөөрей бар. Бо-ла шөлге, Горький аттыг паркка, июнь 26-27 хүннеринде Аныяктар хүнүнге тураскааткан «Россия – хөй арга-шыдалдар чурту» шуулган эртер» — деп, ол чугаалаан.
«Россия – хөй арга-шыдалдар чурту» шуулган — платформаның төлевилелдеринге аңгы-аңгы чылдарда тиилекчилериниң улуг ужуражылгазы. Шуулганны эрттирериниң дугайында саналды «Россия – хөй арга-шыдалдар чурту» АКХО-ның Хайгаарал чөвүлели РФ-тиң Президентизи В. Путинниң удуртулгазы-биле деткээн. Ук хемчегге мөөрейлерниң, олимпиадаларның тиилекчилерин, оюн-тоглаа программаларының, өөредиглиг, спортчу, культуржу идепкейжилерни шаңнап-мактаар. А шуулганның онлайн-трансляциязын бүдүн чурт көрүп болур.
Оон аңгыда «Россия – хөй арга-шыдалдар чурту» шуулганга Бүгү-россияның аныяктар төлевилелдериниң мөөрейи база эртер.
Аңаа киржирде, «Молодежь России» системага чагыгны арттырар. Чагыгны июнь 19-туң 17.00 (мск) шакка чедир хүлээр.
Мөөрейге РФ-тиң 14 хардан 35 харга чедир шуулганның киржикчизи кылдыр бүрүткеткен хамаатылары киржип болур. Грантының эң улуг хемчээли: 1,5 сая рубль.
Росаныяктарның аныяктар бот-идепкейиниң Грант мөөрейи «Россия – хөй арга-шыдалдар чурту» платформаның составында дээрзин сагындыраал.
#ГрантоваяПоддержка
#грантовыйконкурс
#РоссияСтранаВозможностей
#тыванын_аныяктары
