ТШО-да киржип турар оолдарның өг-бүлелеринге деткимче көргүзер буянныг үүлени Бай-Тайга кожууннуң чагырга чери чорудуп эгелээн.
Олар Тываның Баштыңы Владислав Ховалыгның айтыышкыны езугаар бо үеде ТШО-же кыйгырткан дайынчыларның өг-бүлелериниң даңзызын тургускан.

Кожууннуң девискээринде «Кыштаг», «Чаа сорук», «Улусчу картофель» губернатор төлевилелдериниң киржикчилери чаңгыс чер-чурттугларынга дузалаарындан чажам дивээн. Бай-Тайганың эрес-дидим оолдары шериг албанын аал-оранынче сагышсыравайн эрттирип алзын дээш, оларның өг-бүлелерин бай-тайгажылар хайгаарал чокка арттырбас деп шиитпирлээн.
Дүүн 10 өг-бүлеге картофельди болгаш бир-бир хойларны үлээн. Бо ажылды улаштыр чорудары-биле, кожууннуң девискээринде штабты тургусканын сагындыраал.