Владислав Ховалыг, Тываның Баштыңы: «Республиканың социал инфраструктуразын чаартыр ажылдарны хыналдага алдым. Регионда тудуг сезону кыска, ынчангаш биске хуусааны сагыыры чугула.

Балгазында «Өөредилге» национал төлевилел езугаар туттунуп турар школаның оран-савазындан ажылчын үнүүшкүннү эгеледим. Объект 95 хуу белен. Девискээрниң чаагайжыдылгазы болгаш спортчу инфраструктураны эптеп доозуп турар. Коммуникация ажылдары колдуунда доозулган. Чоокку үеде хүлээп алыышкын комиссиялары ажылын эгелээр.

Подрядчик мебельди дерип, өөредилге инвентарьларын салып турар. Сентябрь айда Балгазынның өөреникчилери чаа школага өөренип кирер ужурлуг».