Тываның Аныяктар херектериниң талазы-биле яамының сайыды Субудай Оюн «Тываның маадырлары» регионалдыг төлевилелдиң дугайында бодалын илереткен.

«Аныяк-өскен «Тываның маадырлары» республика төлевилелиниң дугайында дыңнаан боор. Программа март эгезинде эгелээн, ында 600 ажыг киржикчи бүрүткеттинген. Олар, тускай шериг операциязының киржикчилери, төлевилелдиң баштайгы чадазын эртерлер.

Кадрлар белеткээриниң талазы-биле программа күрүне эргелелинге болгаш организацияларга ажылдаар күзелдиг шериг албанныгларга чугула херек арга-дуржулга шиңгээдип алырынга дузалаар.

Тускай шериг операциязының киржикчилериниң аразында удуртукчу ажылдарга бодун төлептиг көргүзүп шыдаар улус хөй – олар Төрээн чуртунга бердингенин бадыткааннар. Регионга харыысалгалыг, патриотчу, шынчы, кызымаккай лидерлер херек.

Тываның маадырлары эрес-дидими, арга-дуржулгазы болгаш шынчызы-биле республиканың хөгжүлдезинге, аныяк-өскенниң кижизидилгезинге үнелеп четпес үлүг-хуузун кииреринге бүзүрээр мен» — деп, сайыт Субудай Оюн демдеглээн.

Мира Конгул-оол белеткээн.