Надежда Александровна Тыртык-Кара – танцы башкызы. Ол мени 1-ги класстан тура танцыга өөреткен. Башкым-биле кады янзы-бүрү мөөрейлерге киржип, улуг хоорайларга чедип, бирги черлерни ап турган бис.
Амгы үеде база танцы бөлгүмүнче барып, школаның хемчеглеринде идепкейлиг киржип турар мен. Надежда Александровна мени чажымдан тура танцыга өөреткен, уттундурбас, өөрүшкүлүг чылдарны башкым-биле эрттирген мен.
Школаны дооскужемге чедир башкымның ачызында ам-даа мөөрейлерге киржип, солун чылдарны эрттирер боор бис деп бүзүреп тур мен.
Риана ООРЖАК.
Кызыл хоорайның 9 дугаар гимназиязының 10 «в» клазының өөреникчизи.
«Элээди журналист» бөлгүмү
