Аржаан школазының «Чедиишкинниң формулазы» деп математиктиг өөредилгениң муниципалдыг төвүнге ээлчеглиг кожуун чергелиг сан болгаш эге класс башкыларынга семинар болуп эрткенин чагырга чери дыңнаткан.

«Кызыгаар чок математика: өөредилге чорудуунга чедимчелиг технологиялар» деп темага тураскааткан хемчегни тус чер школазының сан болгаш эге школа башкылары бедик деңнелге эрттирген.

Семинар кожуундан мергежилин бедидер, өөредилгениң чаа аргаларын шиңгээдип алыр күзелдиг башкыларны чыгган. Удуртукчу эксперттер арга-уржулгазы-биле үлешкен.

Бии-Хемниң башкылары математиканы өөреникчилерге ханы өөредирде, класстан дашкаар хемчеглерни солун кылдыр эрттирип, өөреникчилерниң сонуургалын оттуруп, идепкейлиг школачыларны кириштирери чугулазын демдеглээн.

Арга-дуржулга солчыр ужуражылгалар башкыларның профессионал өзүлдезинге, келир салгалдың белеткел деңнелин бедидеринге идигни берип турар.