«Алтай. Өзүлдениң базымнары» аныяктар чыыжы бо чылдың май 28-тен июнь 2-ге чедир чаңчыл езугаар бодунуң аалчыларын Ая хөлдүң эриинге уткуп алыр. Шуулганга муниципалдыг тургузугларның болгаш аныяктар шимчээшкиннериниң лидерлери, аныяктар төлевилелдериниң менеджерлери, шинчилел бөлүктериниң төлээлери, профессионал каттыжылгаларның база коммерцияга хамаарышпас организацияларның төлээлери киржир. Лидерлерниң назы-хары 18-тен 35 харга чедир. Киржикчилерни бо чылын Башкының болгаш дагдыныкчылының чылынга тураскааткан өөредиглиг шөлчүгештер манап турар. «Алтай. Өзүлдениң базымнары» аныяктар шуулганының 15 чыл ою болуп турарын сагындыраал.
Шуулганның грантызы 1 сая рулбь чедир. Тодаргайы-биле чыыштың албан езу сайтызындан билип ап болур: atrsib.ru.
Чыыштың болуп эртип турар чери Ая хөл амгы үеге дүүшкен инфраструктуралыг автономнуг шөлчүгеш болганы чугаажок. Ында делгелге комплекизи, өөредиглиг шөлдер, коворкинг-зоналар, йога кылырынга девискээр, спортчу шөл, чогаадыкчы ажылдарга девискээр, бассейн дээш оон-даа хөй чүүлдер чаңгыс девискээрниң иштинде кирип турар.
Шуулганга киришкеш, аныяк кижилер чаңгыс үзел-бодалдыг эш-өөрнү тып, арга-сүмени алырлар. Тыва Республикадан 2018 чылдан бээр аныяктар ук шуулганга идепкейлиг киржип келген.
Алена НАН-ХОО.
Чурук «ТА»-ның архивинден.
