Тыва үндезин культура төвүнге ыры кежээзи болуп эрткенин төп дыңнаткан. Чылдан чылче “Ырлажыылы” төлевилел хөй санныг улустуң сонуургалын хаара тудуп турар.

Бо удаа ук хемчег уран чүүл делегейи-биле сырый харылзаалыг, эмчи мергежил-биле бир дөмей кижиниң сагыш-сеткилин эмнеп-домнап чоруур шинчилиг чонунга бараан болуп чоруур Россияда чарлаттынган артистер хүнүнге тураскааткан.

Төп кыштың чыккылама соогу дивейн ырак-чооктан келген улуг-биче чонунга культура чериниң хемчеглеринге идепкейлиг киржип, сонуургал долган сеткили-биле кээп көрүп турары дээш, четтиргенин илереткен.

тмг