Чадаана хоорайда Тываның технологтуг техникумунуң студентилери «Арыг эрик» экологтуг акцияга киришкен. Аныяктар хем эриинден дыка хөй бокту аштаан. Чыл санында техникумнуң сургуулдары чазын, күзүн Чадаана хемниң эриин аштап-арыглап, экологтуг акцияларга киржип турар. Ынчалза-даа бок дөмей-ле эвээжевес.
Тываның технологтуг техникумунуң коллективи болгаш студентилери чурттакчы чонну арыг-силиг болурунче кыйгырган.
