Регионнуң «Тиилелгениң эки турачылары» хөй-ниити организациязының идепкейжилери «Тиилелгениң соңгалары» акцияга Тываның Баштайгылары-биле кады киришкеннер.

Чурттуң база бир чугула байырлалдарының бирээзи – Тиилелге хүнүн уткуштур эки турачылар база баштайгылар Аныяктар ордузунуң соңгаларын тураскаалдың ыдыктыг демдектери: георгий ленталары, Ада-чурттуң Улуг дайынынга хамаарышкан чуруктар, байыр чедирген бижиктер-биле каастаан. Ол дугайында Тиилелгениң эки турачылары боттарының блогунда бижээн.

«Тиилелгениң соңгалары» — салгалдарның чаңгыс эп-сеткилин илереткен демдээ, өгбелеривистиң маадырлыг, эрес-дидим чоруунга чоргаарал. Соңгаларны каастап тура, хоочуннарны хүндүткеп, төөгүлүг сактыышкынны кадагалавышаан, келир салгалдарга дамчыдып турар бис. Соңга бүрүзү – Улуг Тиилелгениң, биске тайбың амыдыралды чаалап берген кижилерниң эрес-дидим чоруунуң дугайында сактыышкынның кезээ. Аңаа үлүг-хуувусту киирип турарывыс дээш чоргаарланыр бис. Бистиң кол хүлээлгевис – сагындырары: Кым-даа, чүү-даа уттундурбаан!» — деп, эки турачылар демдеглээн.

Мира Конгул-оол белеткээн, чуруктарны социал четкилерден алган.

#ОкнаПобеды
#ВолонтёрыПобеды17
#ДеньПобеды
#МыПомним
#МыГордимся
#ПамятьПобеды