ТывКУ-нуң филология факультединге тыва дыл декадазының иштинде «Тыва дылым – ыдык өнчүм» уран номчулга мөөрейи болуп эрткен. Ону Тыва дыл хүнүнге болгаш Тываның улустуң чогаалчызы Александр Даржайның төрүттүнгенинден бээр 80 чыл оюнга тураскааткан.

ТР-ниң Национал хөгжүм-шии театрының аныяк артизи Самбажык Сандак А. Даржайның «Дагларым» деп шүлүү-биле хемчегни эгелээн. Мөөрейниң киржикчилери, студентилер база башкылар С.Сарыг-оолдуң, А.Даржайның, Н.Кууларның, М.Кужугеттиң болгаш өскелерниң-даа чогаалдарын аянныг номчаан.

Киржикчилерниң артисчи, уран-чечен номчулгаларын жюри кежигүннери бедик үнелээн. Мөөрейниң түңнелдерин алгаш көөрге, бирги черни үшкү курсчу Аялга Ооржак база күш-культура болгаш спорт факультединиң башкызы Болат Шагжы үлешкеннер. Ийиги курстуң студентизи Шораан Сандык ийиги черге төлептиг болган. Үшкү черни дөрткү курсчу Диана Ооржак ээлээн.

ТывКУ-нуң матреиалындан Мира Конгул-оол белеткээн.
Чуруктар ТывКУ-нуң.