Чеди-Хөл кожууннуң школа чанында уругларның дыштанылга лагерьлеринде патриотчу ужуражылгалар эртип турарын регионнуң Өөредилге яамызы дыңнаткан. Ак-Тал болгаш Сайлыг суурларның школа чанында лагерьлеринге эрес-дидим чоруктуң кичээлдери эрткен. Уруглар-биле ужуражылгага районнуң прокурору Чейнеш Апан-оол, тускай шериг операциязының киржикчилери: «Ада-чурт камгалакчылары» фондунуң Чеди-Хөл кожуунда координатору Шолбан Балчыр база районнуң шериг комиссариадының ажылдакчызы Конгар Кылан-оол киришкен.

Эрес-дидим чорук кичээлдери 65 уругну хаара туткан болгаш, Ада-чурт камгалакчыларының маадырлыг чоруунуң, чаңгыс чер чурттугларывыстың эрес-дидими база төрээн чуртунга ынакшылының дугайында төөгүлерни таныштырган. Кожууннуң прокурору назы четпээн уругларның эрге-ажыының дугайында чугаалап берген.

Тускай шериг операциязының киржикчизи Конгар Кылаң-оол «Тываның маадырлары» төлевилелдиң киржикчизи дээрзин сагындыраал.