«Кадык камгалалы» национал төлевилел езугаар Өвүр кожууннуң Дус-Даг сумузунда эмчи амбулаториязының тудуу шалыпкын чоруп турар.

Ында кудукту каскан, бажыңның таваан кылган болгаш, ханаларын, ооргаларын салып турар. Оран-сава 60 хуу белен. Эмчи амбулаториязы амгы үениң медицина дериг-хереселдери-биле чаарттынар. Дус-Дагның эмчилери 756 чурттакчы чонга эмнээшкин-санитарлыг дузаны чедирер.

Оон аңгыда Саглы суурда шак-ла ындыг эмчи амбулаториязын тудары-биле белеткел ажылдары эгелээн.