Россияның Президентизи Владимир Путинниң эгелээни «Өг-бүле» деп чаа национал төлевилел езугаар, 2025 чылдан репродуктивтиг кадыкшылга хыналдаларын чорудуп турар. 18-тен 60 харлыг эр, 18-тен 49 хар аразында херээжен улус албан эмчи камгаладылга полизи-биле халас шинчилгелерни эртер.

Шинчилелдиң бирги чадазын эртип келген кижилер анкетаны долдуруп, тускай эмчиге хынадыр. Херээженнерни акушер-гинеколог шинчиир: оларның эмиг бестерин болгаш уруг савазын хынаар, микроскоптуг болгаш цитологтуг анализтерни алыр. Эр улусту тускай мергежилдиг уролог азы хирург эмчилер хүлээп алыр.

Немелде шинчилге херек апарза, ийиги ханы хыналданы эртер: херээженнер уруг савазынга болгаш эмигге УЗИ-зи, халдавырлыг аарыгларга анализтери, гинеколог эмчииң катап база хыналдазынче кирер; эр улуска көъп-белдир органнарының УЗИ-зин, үрезинге шинчилелди болгаш халдавыр аарыглар бар-чогун хынадыр.

Хыналданы эмнелгеңерге, дорт ажылда (бир эвес силерниң ажыл берикчиңер эмнелге албан чери-биле дугуржуп алган болза), ажыл хүннеринде кежээки үеде азы субботада, чурттап турар чериниң поликлиниазынга, азы дорт ажылынга (ажыл берикчизи эмнелге чери-биле дугуружуп аан болза) шинчидип ап болур.

Россияда болгаш дыка хөй чурттарда чаштарның төрүттүнери эвээжээни демдеглеттинген. Регион аайы-биле бистиң чуртта ажы-төл чок өг-бүлелер саны 17-ден 24 хуу чедип турар. Үре-сады кадыкшылынга аңгы-аңгы чылдагааннар салдарлыг: шын эвес амыдырал, хоралыг чаңчылдар, улуг хөлзээшкиннер, халдавырлыг аарыглар азы төрүмелинден аарыг таварылгалар.

Иштелип-саатталбазынга салдарлыг аарыгларны, иштиг үезиниң эрткенин, божааны база ооң соонда үелерин эмчи хыналдарының үезинде тодарадып, үе-шаанда профилактика ажылдарын эгелээринге дузалаар. Эмчи ооң чылдагааннарын илередип, ону болдурбазынче кичээнгейни углаар.

Тыва Республиканың Кадык камгалал яамызы өзүп-төрүүр назылыг бүгү чурттакчылар кадыкшылын хынадып, эмнээшкинни үе шаанда эгелээрин сагындырып турар.