Чаа-Хөл кожууннуң төп эмнелгезиниң медицина ажылдакчылары тус черниң девискээринде аржааннарны эргий кезип, аарыгларга удур хемчеглерни чорудуп турарын чагырга чери дыңнаткан.

Бо удаада терапевт эмчи Виктория Кууларга удурткан бөлүк «Кара-Суг» аржаанынга чедип, дыштаныкчыларны шинчип көрген.

Аржаанда Шагаан-Арыг база Кызыл хоорайлардан, Чаа-Хөл сумузундан кадыкшылын быжыктырып ап турар 25 улустуң ханының базыышкынын, чигириниң деңнелин хынаан.