профориентация база профилактиктиг сорулга-биле кылдынган, эң ылаңгыя студентилерге, юридиктиг угланыышкын-биле өөренип турар аныяк-өскенге, школачыларга ажык-дузалыг.
Ол ышкаш өөреникчилер боттарының эрге-хоойлу талазы-биле культуразын бедидип, суд системазының хоочуннарындан болгаш республиканың суд албан черлериниң аппараттарының ажылдакчыларындан сонуургаан айтырыгларын салыр аргалыг.
Олар делгелгениң экскурсоводтары болурун сагындыраал. Оон аңгыда регионнуң өөредилге албан черлери үнүүшкүннүг класс шактарын эрттирип болур. Делгелге сентябрь 4-тен 21-ниң хүнүнге чедир ажылдаар.
Бо неделяда Кызыл хоорайның 1 дугаар школазында Онза байдалдар угланыышкынныг класстың өөреникчилери делгелгениң баштайгы көрүкчүлери болган.
Өөреникчилер делгелгеден суд системазынга ажылдап чораан боттарының төрелдерин танып, оларның аттарын, чуруктарын тып алганнар. 11-ги классчы А. Лопсан кырган-авазы, 1992-2009 чылдарда Кызыл район судунуң даргазы Валентина Кыргысовна Лопсанның чуруунуң чанынга тырттырып алган.
Делгелгениң байырлыг ажыдыышкынының үезинде республиканың аңгы-аңгы суд органнары идепкейлиг киришкен. Чижээлээрге, Барыын-Хемчиктиң район судунуң коллективи балетмейстер Эртине Конгарның тургусканы «Ностальгия» деп самын күүсеткени онзагай болганын сагындыраал.
Мира Конгул-оол белеткээн.
Чуруктарны социал четкилерден алган.
