ТР-ниң Дээди Судунуң кеземче херектериниң талазы-биле суд коллегиязының даргазы Хээлиг Тулуш:

«РФ-тиң Чурукчулар эвилелиниң кежигүнү, Тываның төөгүзүнде үш дугаар чонар-даш мастери Лариса Матпаковна Норбу онзагай ажылды кылган. Ол чонар-дашта «Ээлдек шыңгырааш» сураглыг тыва танцы сиилбээн.

Лариса Матпаковна Норбу уран чүүл чогаалының кульминастыг кезээн кайгамчыктыг уран-шевер болгаш бирден бирээ чок ылаптыы-биле дамчыткан. Самның чараш шимчээшкини, ээлгири, ээлдээ база бүгү-ле чаражын илереткен.

«Онзагай ажылды көрүп тургаш, чүгле херээжен кижи ындыг бир-тускай сюжетти шилип, чонар-дашка ынчаар уран-шевер сиңирип шыдаар. Лариса Матпаковнага чогаадыкчы чедиишкиннерни база хей-аътты күзээлиңер!» — деп, ол бодунуң блогунда бижээн.

#закон_общество