Регионнуң шүүгү ажылдакчыларының Чайгы спартакиадазы болуп эрткен. Хемчегни Тыва Республиканың Шииткекчилер чөвүлели организастаан. Суд коллективтери чүгле спортчу эвес, а чогаадыкчы (хөгжүм) мөөрейге шыырак белеткенген.

Шииткекчилер болгаш шүүгү ажылдакчылары хол бөмбүүнге, канат тыртарынга, ча адарынга дээш оон-даа өске маргылдааларга идепкейлиг киришкен. Спортчу шиитекекчилер кылдыр регионда суд приставтарының эргелелинден хамаарылга чок коллегия ажылдаан. А хөгжүмнүг мөөрейни Культура яамызының ажылдакчылары үнелээн.

Республиканың судтарының ортузунга эрткен 14-кү Чайгы спартакиаданың тиилекчилери Чөөн-Хемчиктиң район судунуң коллективи болганын сагындыраал.

Мира Конгул-оол белеткээн.
Чуруктарны социал четкилерден алган.