Премияның дүрүмү езугаар амгы үеде ажылдап турар база хүндүлүг дыштанылгада шииткекчилер ук шаңналды алыр эргелиг. Ооң кол негелделери: Россияның шүүгү органнарының ажыл-чорудулгазынга киирген үлүг-хуузу, хамаатыларның эрге-ажыын камгалаарынга киирген ачы-хавыяазы, үр чылдарда үре-түңнелдиг ажыл-ижи, шүүгү органнарының каттыжылгазының хөгжүлдезинге киирген үлүг-хуузу база ооң ажыл-ижинге идепкейлиг киржилгези.
Премияның эдилекчилерин суд каттыжылгаларының төлээлери бадылаашкын хевири-биле тодарадыр.
Тыва Республиканың Дээди Судунуң шииткекчилериниң аразындан хамааты херектер талазы-биле шүүгү коллегиязының даргазы Соскал Оксана Маадыр-ооловна база Тыва Республиканың Арбитраж судунуң шииткекчилериниң аразындан Хертек Аржаана Васильевна;
Район судтарының аразындан Кызыл хоорай судунуң даргазы Дондупай Оксана Баировна база чаргы чарар шииткекчилер аразындан Кызыл кожууннуң 2 дугаар суд участогунуң шииткекчизи Дажы-Сегбе Сылдыс Яковлевич тиилекчи болганнар.
Мира КОНГУЛ-ООЛ белеткээн.
Чуруктарны социал четкилерден алган.
