Чылыгны кижи бүрүзү сөңнеп болур. Таңды кожууннуң Дүрген сумузунда Юрий Оюннуң буянныг чоруун чурттакчылар билир. Ол суурда хөй уруг-дарыглыг 2 өг-бүлеге одаар ыяшты халаска дүжүрүп берген.
Юрий Оюн «Чылыгны сөңне» акцияга киржип, чаңгыс чер чурттугларынга ачы-буянын чедирген. Кыжын одаар ыяшты белеткеп алыры ындыг амыр эвес, а садып алыры оон-даа берге (ыяштың өртек-үнезин барымдаалап көөр болза). Юрий Оюннуң буянныг чоруу өскелерге үлегер болуру чадапчок.
