Крымның делегациязы Донецк болгаш Луганск Республикаларның чурттакчыларынга 40 тонна гуманитарлыг дузаны чедирген. Делегацияның составынче Крымның Күрүне чөвүлелиниң депутаттары кирген.
«Албан езу ужуражылгазының үезинде чурттакчыларга дузаны дамчыдып бердивис. Ынаар продуктулар, чурттаарынга бирги чергениң чугула херек чүүлдери, ЛУР болгаш ДУР-нуң чаштарынга 150 путевка база республикаларның ийи школазынга эмчи дериг-херекчелдери кирген» — деп, Крым парламентизиниң спикери Владимир Константинов чугаалаан.
