Эне-Сай моон эгезин ап төрүттүнгеш,
Эргеленген Тывазынга чоргаарланып,
Бурунгаарлаан Москваже орук изээн
Бурун Кызыл хоорайны алгап чыдыр.

Мында сөс ийи дылда доңнажыпкаш,
Тыва өңнүүм хөөмейинге чаңгыланып,
Дываажаңче бедип үнүп, талыйгаштың
Быжыг, ыдык найыралды каңнап турар.

Кызыл — төрээн дылдың хоргаадалы,
Камгалакчы маадыры, күчү-сүзүү.
Харлыг Саян, хемнер күжүн сиңирип ап,
Кадыгландыр боданганзыг көрүп туру.

О, эне -Тыва, маадырыңга чоргаарлан-на!
Ооң херээ — бүгүдениң үндезини.
Үе-дүптүң куштарының кыйгызындан
Үүлези чайгаар бүдүп, тиилеп үнер!

Орус дылдан Мэңги ООРЖАК очулдурган.
Чурукту интернет четкизинден алган: yandex.ru/images/sea…