Уйгу-дүжүң аалчызы бооп чорбааным шын,
Угбаң мээң-даа дүштеримге кирбейн чордуң.
Айыыл диргелип, бүргеп кээрге, дүжүң эргип,
Аадып, чайгаар камгалалың болу бердим.

Тамчык дыжым уттуп каггаш,
Дадай билбес оруктува аъттаныптым.
Мээң чүрээм сээңии-биле тудуш деп бил,
Бергелерге торулбас бис, бүзүреп чор.

«Бистен өске кым-даа эвес» – кыйгың бо-дур,
Бир-ле ава оглу-дур сен – идегели.
Дайынчывыс, дидим оолак, быжыг туттун,
Даады-ла кады бис ам, аваң болуйн!

Орус дылдан Мэңги ООРЖАК очулдурган.
Чурукту интернет четкизинден алган: yandex.ru/images/sea…