Улусчу чогаадылга бажыңында Тываның чогаалчылар эвилелиниң 80 чылынга тураскааткан байырлыг хурал болган.
Бо хемчегге киржир дээш РФ-тиң Чогаалчылар эвилелиниң баштаар чериниң даргазы, шериг журнализи, курлавырда полковник, афганчы, Россияның Президентизиниң чанында кижиниң эргелерин камгалаар чөвүлелдиң кежигүнү Николай Иванов Тывада келген.
Хүндүлүг аалчыны сүттүг шай база ак кадактар-биле Тываның Улустуң чогаалчызы Черлиг-оол Куулар, Тыванын Чогаалчылар эвилели (Сайлыкмаа Комбу) «ТР-ниң дайынчы акы-дуңмалышкы» хөй-ниити организациязының кежигүннери уткуп алган.
