Бо чылын Улуг Тиилелгениң 77 чылын демдеглээр бис. Май 1-ден 9-ка чедир «Тиилелгениң соңгалары» бүгү Россия чергелиг патриотчу акция эгелээн. Бо хемчегни аныяк-өскен ортузунга Тиилелге хүнү онзагай байырлал дээрзин билиндирип, Ада-чурттуң Улуг дайынының киржикчилеринге тайбың амыдырал дээш четтиргенин илередип, амы-тынындан чарылган дайынчыларга мөгеери-биле, эрттирип турар.
Акцияга күзелдиг кижи бүрүзү киржип болур. Соңгаларның көзенектерин Улуг Тиилелгениң ыдык демдектери-биле каастааш, #ОкнаПобеды азы #Тиилелгениңсоңгалары деп хештерни салгаш, социал четкилерге үндүрер.

Тываның ырак-чоок булуңнарындан школачылар ук акцияга идепкейлиг киржип эгелээн. Чуруктарда Бай-Тайга кожуунда «Авырал» немелде өөредилге төвүнүң өөреникчилери.
Мира КОНГУЛ-ООЛ.