Билиглер хүнү таварыштыр Росгвардияның Тывада эргелелиниң чөпшээредилге-лицензия төвүнүң инспекторлары тускай шериг операциязының киржикчизиниң оглун бирги классче киреринге белеткеп, өөредилге херекселдерин садарынга дузалашкан.
«Школаже киреринге дузалаш» ачы-дуза акцияга киржир сорулгалыг росгвардейжилер «Ада-чурттуң камгалакчылары» деп фондунуң ажылдакчылары-биле ужуражып, нарын байдалда таварышкан өг-бүлелерге деткимчени кадар дугайында дугурушканнар.
Ыраккы Каа-Хемде чурттап чоруур чеди харлыг Тарыс Кыргыс Росгвардияның дайынчыларындан белекти алган. Инспектор Чингис Чамзырай ажылдап чоруур коллективиниң мурнундан бичии оолга өөредилге херекселдерин болгаш сумканы саткан.
«Тускай шериг операциязында киржип чоруур эрес-дидим чаңгыс чер чурттугларывыстың өг-бүлелеринге болганчок-ла дуза херек апаарын шупту билир бис. Деткимчеден, чымчак сөстен кижиниң сагыш-сеткили оожургап, хөөн кирер болгай. Ынчангаш акцияга киржип, дузаны катттывыс» – деп, Чингис Чамзырай демдеглээн.
