«Росгвардия-биле чайгы дыштанылга» деп төлевилел уламчылавышаан. Бо удаада Барун-Хемчик кожууннуң хайгаарал килдизиниң ажылдакчылары аңаа идекпейлиг киржип, социал төпке барып четкеннер. Өг-бүлези нарын байдалга таварышкан ажы-төл дайынчыларны улуг өөрүшкү-биле уткуп хүлээп алганнар. Аалчыларның тускай мергежилиниң дугайында чаштар сонуургап, янзы-бүрү айтырыгларны салып, келир үеде база ада-чурттуң камгалакчылары болурун аазааннар.

Ужуражылганың эң-не солун кезээнде уруглар росгвардейжилерниң дериг-херекселин өөренип шинчилээринге-ле өй болганнар. Ниитилелдиң айыыл чок чоруун хандырып турар Росгвардияның тускай медээлиг машина-балгады чаш уругларның онза кичээнгейин чаалап алган. Чылдың болур төлевилел школачыларның чайгы дыштанылгазының дургузунда неделя санында болуп эртер. Патриотчу кичээлдер уругларның келир үеде мергежил шилип алыр сонуургалынга эки салдарлыг болуру чадавас.