Тес-Хем кожууннуң эрес-дидим, маадыр оглу Вадим Сүгежик чанып келген.
Тыва дайынчыны Кызылдың аэропордунга Тыва Республиканың Баштыңының оралакчызы Т.Б. Куулар, Дээди Хуралдың депутаттары, Тыва Республиканың Чазааның төлээлери болгаш чоок кижилери уткуп алган.
Ол Санкт-Петербург база Москваның шериг госпитальдарынга үр хуусаалыг эмнээшкиннерни алгаш, төрээн черинче ээп чанып келген.
Вадим Сугежик — 55115 дугаарлыг даг-адыгжы бригаданың дайынчызы. Украинага тускай шериг операциязынга киришкеш, июнь айда тулчуушкун үезинде аар балыгланган.
