Арыскан сумузунуң чагыргазының удуртулгазы-биле суурнуң волонтерлары, херээженнер чөвүлелиниң идепкейжилери база хоочуннар тускай шериг операциянга техниканы маскировкалаарынга ажыглаар четкилерни аргып дооскан.
«Мындыг берге ажылды кижи бүрүзү кылып шыдавас. Бистиң суурнуң идепкейжилери дүжүп бээр бодал чок. Боттарының арга-дуржулгазын, үезин буянныг ажыл-ишче күзелдии-биле үндүрүп турарлар. Бүдүн чурт шупту демнежип, аргып-даарап, гуманитарлыг дузаны чедирип турар, тускай шериг операциязында дайынчыларывыска ол бистиң деткимчевис болур» — деп, сумунуң чагыргазының даргазы Шончалай Донгак демдеглээн.
Алена Нан-Хоо белеткээн.
#сво
