Бии-Хем кожууннуң Билелиг арбанның чурттакчылары Шагаа уткуштур тускай шериг операциязының киржикчилеринге ачы-дуза акциязынга идепкейлиг киришкен. Республикада эп-дем каттыжылгазының чылын Тываның Баштыңы В. Ховалыг чарлааны чоннуң демниг болурунга идиг болганы чугаажок. Тайга-таскыл черде турар Билелиг арбанның чурттакчылары эвилең-ээлдек, сагыш човаачал. Шагааның бүдүү айында олар база ачы-буян акциязындан чыда калбаан: боттарының шаа-биле акша-хөреңгини чыып, тыва дайынчыларга быжырган чемнерни белеткээн.

Херээжен чон, буянныг авалар, боова-боорзакты шериг оолдар онча-менди ээп келзин дээш мөргүп тургаш быжырган.