️ТР-ниң Дээди Хуралының хораа даргазы, Хөй-ниити чөвүлелиниң кежигүнү Эрес Хуурак Тываның Баштыңы Владислав Ховалыгның удуртулгазы-биле болуп эрткен «Тываның маадырлары» регионалдыг программаның Хөй-ниити чөвүлелиниң хуралының соонда үзел-бодалы-биле үлешкен.

– Тускай шериг операциязының киржикчилериниң болгаш хоочуннарының билиг-мергежилин эде белеткээринче угланган “Тываның маадырлары” кадрлар программазының бирги чадазында 600 ажыг киржикчи билдириишкинни кирген турган. Түңнел чадаже 39 кижи эрткен. Оларның үженин шилиир бис. Кордакчылар аразында тускай шериг операциязында мурнуку одуругда дайылдажып турар оолдарывыс бар. Күскү, часкы сессиялар үезинде оларны халаштырарының аргаларын өөренип көрүп турар бис. Тываның Баштыңы Владислав Ховалыг бодунуң өмүнээзинден РФ-тиң камгалал сайыды Андрей Белоусовче чагааны чоруткан. Программаның киржикчилериниң аразында ийи херээжен кижи база бар.

Кадрлар программазының 30 киржикчизи сентябрьдан эгелеп Тываның күрүне университединге «Күрүне болгаш муниципалдыг эргелеп-башкарылга» угланыышкыны-биле Россияның улус ажыл-агыйы болгаш күрүне албаны академиязының бадылаан программазы езугаар, арга-дуржулгалыг удуртукчуларның дагдыныышкыны-биле өөредилгени эртер.

«ТуваМедиаГрупп» медээлер агентилелиниң чуруу