ТР-ниң Кадык камгалал яамызы база Росхереглелхайгаарал албанының дыңнатканы-биле алырга, республиканың девискээринге сөөлгү хонукта 56 кижи коронавирус аарыындан сегип үнген. Ынчалза-даа 71 аарыг кижини бүрүткээн. Аараан улустуң сайгарылгазын кылырга, мындыг: Кызыл хоорайдан – 35, Ак-Довурактан – 1, Чөөн-Хемчиктен – 3, Кызыл кожуундан – 18, Өвүрден – 1, Бии-Хемден – 2, Тес-Хемден – 3, Чеди-Хөлден – 2, Эрзинден – 5, өскээртен келген 1 аарыг кижи илерээн.
71 аарыг кижиниң 39-у эр, 32-зи херээжен улус болган. Назы-харының аайы-биле алырга, 17 харга чедир 28 уруг, 18-49 хар иштинде 25 кижи, 50-ден 64 хар чедир 10 кижи, 65 хардан өрү 8 кижи аараан.
Ниитизи-биле бо чылдың январь 1-ден тура, 13 440 лабораторлуг бадылаттынган таварылга бүрүткеттинген.
Кызыл хоорайның стационарлыг госпитальдарында 433 аарыг кижи чыдар, ооң иштинде лабораторлуг бадылаттынган 389 аарыг кижи бар. Оларның 64-ү назы четпээннер, 12 иштиг херээжен чыдар. Берге байдалда 80 кижи, ортумак берге байдалда 346 кижи эмнеттирип турар. Бир хонук дургузунда 27 кижини госпитальче чыттырган.
Бо чылдың эгезинден бээр коронавирус аарыындан 251 кижи мөчээн.
Call-төптерже хонукта 328 кижи долгап турар. Кадык камгалал яамызының лабораторияларынга 708 ПЦР-шинчилелгелерни чоруткан.
Чурукту Интернеттен алган.
Росхереглелхайгаарал албанының медээзинден Мира КОНГУЛ-ООЛ белеткээн.
