Бии-Хем кожууннуң төп эмнелгезиниң кол эмчизи Адыгжы Куулар коронавирус аарыынга удур ревакцинацияны өй-шаанда чорударын сагындырып турар.
«Ковидке удур ревакцинация эртер үем чедип келген. Ынчангаш бо удаада думчук таварыштыр тарылганы алдым. Сыкыртырындан коргар улуска таарымчалыг арга-дыр» — деп, ол бодунуң блогунда бижээн.
Ол ышкаш ковид хамчыынга удур тарылганы хүннүң-не Бии-Хем кожууннуң төп эмнелгезинде чорудуп турарын Адыгжы Куулар сагындырган.
Мира КОНГУЛ-ООЛ белеткээн.
