Тываның шүүгү системазының командазы шыдырааның шилилде турниринге киришкен. Ооң бирги чадазы онлайн хевирге эрткен. Интернет четкизи таварыштыр шииткекчилер ортузунга турнирге Сибирьниң, Ыраккы чөөн чүктүң, Урал болгаш Приволжскының федералдыг округтары киришкен.

Тываның шииткекчилериниң чыынды командазынче Кызылдың 7 дугаар участогундан Сайдаш Торлукович Сат, Эрзинниң район судундан Отчугаш Владимирович Ондар, Сүт-Хөлден Мерген Кызыл-оолович Саая болгаш ТР-ниң Дээди судунуң күрүне ажыклдакчылары Макар Сергеевич
Суманчик, Мерген Борисович Донгак киришкеннер. Кызылдың 4 дугаар участок судундан Максим Маадырович Оюн курлавыр ойнакчы болган.

Төлге октаан түңнелинде, Тываның командазынга шыырак шыдыраачылар таварышкан. Ынчалза-даа олар Омск болгаш Новосибирскиниң командаларын 5:0 санга тиилээннер. Чувашияның командазы-биле 4,5: 0,5 санга ойнааш, Курган, Кемерово, Нижний Новгородтуң командаларынга 2:3 санга аштырганнар. Татарстанның командазы-биле хайым болганнар. Ниити рейтингиниң түңнели-биле Тываның командазы 15 дугаар черде болуп, түңнел оюнче кирбейн барган.

Шүүгү департаментизиниң медээзинден Мира КОНГУЛ-ООЛ белеткээн.