Өвүр кожууннуң шииткекчизи Орлана Куулар Босфор өөжүн кежир эштир континенталдар аразының чарыжынга киришкен.
Спортчу маргылдаа чыл санында Турцияда болуп турарын сагындыраал. Bosphorus cross continental race – ажык сугга эштир чарыштың база бир билдингир хевири. Ооң киржикчилери «континенталдар аразының эштикчизи» статусту алыр.
Чарыш үезинде делегейниң эң улуг судно өөштери 2 шак дургузунда туруптар, ол үеде эштикчилер 6,5 км дистанцияга чаржыр.
Чыл санында ук маргылдаага 2 муң чедир эштикчилер киржир. Бо чылын Россиядан 400 кижи киришкен.
Орлана Кууларның дыңнатканы-биле алырга, ол хире дистанцияны эштип кежери ындыг амыр эвес. Аңаа чүгле үр үениң белеткели болгаш тренировка херек.
Алена Нан-Хоо
