Республиканың ортумак өөредилге черлериниң сургуулдары Шагаа байырлалынга уткуштур «Буянныг манчы» ачы-дуза акциязында идепкейлиг киржип турарының дугайында Өөредилге яамызы дыңнаткан. Бо удаада Тываның көдээ ажыл-агый техникумунуң «Көдээ ажыл-агый продукциязын болбаазырадыры болгаш ооң технологиязы» мергежилди чедип ап турар 4 дугаар курстуң сургуулдары «Буянныг манчы» акцияда киржип турарын демдеглээн.

«Буянныг манчы» — тускай шериг операциязында киржип чоруур чаңгыс чер чурттугларывыска, оларның өг-бүлелеринге база амыдыралдың берге байдалдарынга таварышкан өг-бүлелерге ачы-дуза акциязы.

Чурукта: Тываның көдээ ажыл-агый техникумунуң 4 дугаар курузунуң сургуулдары «Буянныг манчы» акцияда киржип турары.