Республиканың школаларында чаңгыс аай күрүне шылгалдалары эгелээн. Доозукчулар боттарының күжүнге бүзүрелдиг болгаш, дээди эртем чедип алыр сорулганы мурнунга салып алган.
Кызылдың дугаары 1 школазынга химия эртемин шилип алган уруглар келген. Кирерде камгалал маскаларлыг, хол хаптарлыг болуру – кол негелде. Школа иштинде аразында дистанцияны сагып турар кызыл шыйыгларны кылган. Эжик аксынга эъдиниң изиин хынаткаш, холдарын дезинфекциялап алыр. Класстарны баш бурунгаар халдавыр чок кылдыр арыглап-аштааш, агаарлаткан.

#егэ #экзамены #чангыс_аай_күрүне_шылгалдалары #1школаКызыл #12школа #16лицейКызыл