Аныяктарның XXI Дельфий оюннарында Кызылдың уран чүүл училищезиниң сургуулдары чедиишкинниг киржип турар

Красноярск крайда бо хүннерде Россияның салым-чаяанныг аныяктары чыглып келген. Аныяктарның XXI Дельфий оюннарының номинациялары тергиин оран-саваларда — Крайның аныяктар ордузу, Красноярскиниң филармониязы, Д. Хворостовский аттыг Сибирьниң уран чүүл институду, Сибирь федералдыг университет, Культурлуг бот-идепкей төвүнде эртип турарын сагындыраал.

Дельфий оюннары Красноярск хоорайга апрель 22-ден 27-ге чедер болгаш, 85 региондан 2500 хире аныяктар келген. Фестивальдың програмаазында 48 аңгы (улусчу, классиктиг болгаш амгы үениң) номинациялары бар. Тываның төлээлери 8 номинацияга киржир, оларның 6-да бир дугаар киржип турары ол болур.

Тывадан барган аныяктар ук оюннарда чедиишкиннерлиг болуп турарын сагындыраал. Ооң дугайында Тываның Баштыңы Владислав Ховалыг мынчаар чугаалаан:

«Красноярск хоорайдан өөрүнчүг медээ келди. Ында Дельфий оюннарында бистиң сургуулдарывыс чедиишкинниг киржип турар. Тывадан студент Ай-Мерген Ооржак «Уран чүүлдүң усчузу» номинацияга алдын призёр болган.
Ол – 18 харлыг, Кызылдың уран чүүл колледжизиниң сургуулу. Ооң чедиишкини дээрге-ле дагдыныкчы Алим Хертектиң чоргааралы деп билип тур мен. Алим Хертектиң холундан ам ийи дугаар Дельфий оюннарының тиилекчизи үнүп турары өөрүнчүг-дүр. Эртен Дельфий оюннарының байырлыг хаашкыны дорт эфирге болуп эртер.
Тываның салым-чаяанныг аныяктарынга чоргаарланыр бис!».

Мира КОНГУЛ-ООЛ белеткээн.
#тыванын_аныяктары_культура

Предыдущая запись
Льготы при поступлении и увеличение количества бюджетных мест в вузах: «Единая Россия» провела прямую линию с регионами по приёмной кампании-2022
Следующая запись
Айдана Ховалыг: Велико информационное давление на нашу страну в связи с началом спецоперации
Меню