Альберт Дапылдай, Кызыл хоорайның 16 дугаар лицейиниң директору:

«Тываның үстүкү классчылары программа кылырын халаска өөредир курстарны эртер аргалыг. Ол школа программазының математика болгаш информатика кичээлдеринге немелде болур. Курстарны 8-11 класстарның өөреникчилеринге 2 чыл дургузунда өөренир кылдыр санаан. Кичээлдерни онлайн болгаш офлайн хевирлерге регионалдыг өөредилге шөлдеринге чорудар. Тывага төлевилелдиң оператору «Университет2035» болур. IT-адыр талазынга билиглер амгы үениң салгалдарынга эргежок чугула. Халас өөредилге курстары – школачыларга IT-адырның ниити билиглерин чедип алыр арга».

Мира КОНГУЛ-ООЛ белеткээн.