Владислав Ховалыг ТШО киржикчилериниң ажы-төлүнге 2025 чылда эвээш эвес дузаламчы хемчеглерни кииргенин дыңнаткан. Оларның иштинде 773 уругнуң школага изиг чемче чарыгдалдарын дуглап бээри кирип турар. Оон аңгыда 805 уругнуң хөй-ниити транспортунга чоруурунуң орук хөлезинин төлеп берип турар. 2668 уругнуң ада-иелерин уруглар садтарының төлевирлеринден хостаан.

Социал хөмүр алыкчыларының санынче ТШО-га чок болган болгаш балыгланган кижилерниң 1306 өг-бүлезин база киирген.
Чурттакчы чонну ажылга хаара тудар төптерде дайынчы хөделиишкиннерниң хоочуннарын ажылга тургузарынга дузалажыр консультантылар томуйлаттынган. Ажыл дилеп келген 1320 кижиниң 67 хуузу амгы үеде ажылда турар.

Чурукту ТР-ниң Чазааның парлалга албанындан алган.